Wittenhorst

Zoeken | Contact

Huub Cox uitgeroepen tot erevrijwilliger

Huub Cox uitgeroepen tot erevrijwilliger

3 juni 2023

Huub Cox is tijdens de vrijwilligersavond van vrijdagavond 2 juni uitgeroepen tot erevrijwilliger van Wittenhorst. In een goed gevulde zaal van het Parkhotel, waar we al meerdere jaren onze vrijwilligersavond mogen houden, werd hij compleet verrast door deze benoeming.

Huub is al ruim dertig jaar lid van de activiteitencommissie, waarmee hij allerlei activiteiten organiseert gedurende het seizoen. Denk hierbij aan de seizoensopening- en afsluiting en de vrijwilligersavond. Hij is elftalleider geweest van Wittenhorst 1 en presenteert samen met Antoine Driessen sinds enkele jaren de voetbalquiz. Voorzitter Bart Joosten zag een mooie kans om naast Huub nog iemand anders in het zonnetje te zetten: Chris Winkelmolen. Hij heeft besloten om na 27 (!) jaar te stoppen als elftalleider. En mooie aangelegenheid om beide heren tijdens de vrijwiligersavond naar voren te roepen en op zien Hôrsters het volgende woordje hieraan te wijden:

 Gaer wil ik twie persoëne nao vurre vraoge, en as ik ut aover dees twie heb dan motte denken aan:

  • De Bassie & Adriaan van ut Zuuje
  • Peppi & Kokki van Hors
  • Thei & Marij ma dan iets minder zuuver
  • Zeej hebben geregeld same gezonge in de winterperiode as d'r gen voetbal waor.
  • De iene peek duk de microfoon en kwaakte dao dan waat door, waor weej os nag stiets van afvraoge wat we dao van motte make. En d'n andere klapte duk ni hielemaol in de maot um aan te gaeve daat heej de zang kwaliteiten van ziene collega ok ni aalt kos waarderen
  • Ik wil gaer nao vurre vraoge, de ienige echte Chris Winkelmolen en Huub Cox!

Chris Winkelmolen

  • Chris is begos as elftalleider zoe as veul vaders dat doon beej eure zoen of taegewoordig ok dochter.
  • Beej Mattie is heej begos as leider umdat niemus dit verder woj oppakken
  • Ieder jaor schoof Chris en elftal hoeger op mit Matty meij, totdat heej beej Lei Cox in de A2 kwaom en dao is heej blieve hange
  • Chris is alt hiel betrokken gewes beej 't voetbal en veurnamelik de derde helft
  • 't nummer van Chris & Annie eure 3e zoen Arie stiet onder nummerke 3 in d'n telefoon beej huize Winkelmolen. Annie haet dat nummer geregeld motte belle um te vraoge of Chirs nag in de kantine waas en wannier heej mende nao hoes te komen. De wedstrijd waor dan zeker al 4-5 oor vurbeej
  • Chris haet aalt enne zak napoleon zwart-witjes beej zich, en beej iedere goal die door Hors gescoord wuurd ut heej dan en snuupke en deilt heej ok iederien op de bank en de toeschouwers en snuupke oet. Zelfs toen ze enne kier mit 17-0 wiste te winnen
  • Chris haet ok wal is en weddenschap verlaore en as taege prestatie haet heej toen in en knal greun fluoriserend pak de wedstrijd motte beej woene
  • Chris haet ok enne jel
  • Ok standaard is de BBQ aan ut end van 't jaor, Locatie: 't Ganimeer beej Chris in d'n tuin. Chris ment dat heej nog mit de jeugd aover kan en durrum deure die fiesjes aalt wies dat 't smirges wer licht wuurd en Annie opstiet um iederien nao hoes te jagen
  • Ok is Chris duk betrokken gewes beej de Boorebrulluf van Whorst o.a. as tekstschriever
  • Oeteindelik zien weej nou 27 jaor wier en giet Chris d'r meij stoppen
  • De reje haje weej gaer anders gezeen, want dit haet mit name mit zien zicht te maken. Chris zuut taegewoordig hiel slecht. Heej kan de bal nimmer volgen en de teams nimmer good oet mekaar halde. Nou snappe weej ok wurrum heej vur PSV is....
  • Weej zien bliej mit de jaore inzet die Chris aalt getoend haet vur de club en vur de jeugd. Heej kunnen veul meense nag iets van liere.
  • Haopelik zien weej Chris nag ni gans kwiet, misschien kan Huub is mit um praote um wat te doon beej de activiteiten commissie. Dao blieft ie jonk van.
  • Chris harstikke bedankt vur ow inzet aal die jaore.

Huub Cox

  • In 1991 waar Huub zoen van “Hubert vaan de Lichtenberg en Mien vaan de Nejenberg” broedegom van de Boorebrulluf van Whorst
  • Huub speulde zelf van 1986 tot 1994 ongeveer 65 wedstrijden in Wittenhorst 1. Heej waar enne kopsterke spits, ma hoeveul heej d'r as spits ingelag haet mot ik ow schuldig blieve.
  • Wal zurge heej in 1994 in ziene allerlaatste wedstrijd bijna vur de promotie naor de 1e klasse. Huub scoorde in blessuretied 2x, ma taegestander SCG wist in de verlenging aan 't langste end te trekken.
  • In din tied vocht heej nag felle duels oet mit Jan Beijers. Huub in 't Oranje van Hors en Jan in 't zwart-gael van Belfeldia
  • Huub waar 4 jaor leider van 't 4e elftal en in 2010-2011 naom Huub nao de winterstop de taak van Teuntje aover as elftalleider beej Wittenhorst 1, 't jaor daor op 2011-2012 deej heej dat samen mit Helmuth Boumans en woord Wh1 kampioen en promoveerde naor de 1e klasse.
  • Huub waar van 2013 – 2016 Coördinator van de JO17 & JO19.
  • Huub is ok al mier as 30 jaor actief beej de activiteiten commissie Senioren. Waor heej o.a. zurgt vur de organisatie van de voetbalquiz/toepaovond/kruusjasaovond/slotdaag enz.
  • Huub is dit jaor trouwens ok 50 jaor lid!
  • Huub haet mit de jaorvergadering miestal 't leste woord beej de rondvraog. De leste opmerking die os beej stiet is aover de geluidsinstallatie in de kantine “Schei toch es oet met di knommel en koep en neeje”.
  • Huub haet trouwens gaer 't leste woord en as heej dat neet kriegt dan pakt heej de microfoon en begint heej zien eigen nummers te zingen. Chris is verstendiger gewaore en deut heej nimmer aan meij.
  • Ma boete di flauwekul en schaele wazel di heej aalt verkoept zien weej aerg bliej mit zien enthousiasme en betrokkenheid beej veul dingen en giet heej aalt meij veurop. In de weekenden is heej samen mit Marjo geregeld op de velden te vinden of dit nou beej de iers, de dames, de liegere elftallen of de jeugd is.
  • Huub is gaer gezeen en enne echte clubman die op veul plekken zien stientje beej draagt.
  • En durrum hebben weej beslaote um Huub vanaovend oet te roope as Ierevrijwilliger

.............................................

  • Nou nag haope dat d'r enne tegel is wao die slaaj treijers op passen!

Voorafgaand aan deze benoeming, werden de jubilerende vrijwilligers in het zonnetje gezet. In een eerder bericht maakten we al bekend wie er dit jaar een mooi jubileum bereikten. Zij ontvingen, zoals omschreven in ons vrijwilligersbeleid, een presentje passend bij het jubileum. Denk hierbij aan een bos rozen van Van der Hulst Rozenkwekerijen, een tegoedbon bij MAN in Horst en een dinerbon voor Graaf Ter Horst. Volgend jaar mogen we tijdens deze avond opnieuw veel vrijwilligers deze verdiende aandacht geven. 

Op onze website hebben we ook en fotoalbum geplaatst met foto's van de vrijwilligersavond. We bedanken hiervoor wederom onze vrijwilliger Lei Schampers. Check de foto's hier